MA.2
Furma e spazi
A
Operar e numnar
3
Las scolaras ed ils scolars san determinar e calcular lunghezzas, surfatschas e volumens.
renviaments
MA.2.A.3
Las scolaras ed ils scolars ...
1
a
- fan l'experientscha cun la constanza da lunghezzas e da volumens, sch'ins mida la furma (p.ex. sch'ins storscha in fildarom, resta la lunghezza la medema).
- san cumparegliar las lunghezzas da differents curs da lingias (p.ex. vias sin in palpiri quadriglià).
b
- san cumparegliar lunghezzas cun grondezzas auxiliaras (p.ex. lunghezza dal det u retagl) e mesirar cun in'exactezza dad 1 cm.
- san mesirar cun in cup e cumparegliar il cuntegn da recipients.
c
- san cumparegliar las lunghezzas da las varts e las surfatschas da trianguls e da quadranguls sco era ils volumens da corps e da quaders (p.ex. cuvrir dus rectanguls different gronds cun quadrats).
2
d
- san dumbrar surfatschas cun agid da quadrats unitars (p.ex. la stanza da scola cun quadrats metrics).
e
- san mesirar e calcular la circumferenza da poligons.
- san calcular la surfatscha da quadrats e rectanguls.
- san furmar quaders d'in dumber inditgà da cubs e decumponer quaders en in dumber determinà da cubs.
f
- san calcular il volumen da quaders.
- san calcular approximativamain la surfatscha da figuras betg rectangularas en retagls (p.ex. dumbrar ils quadrats unitars en in rudè).
3
g
- san decumponer poligons e prismas gulivs per calcular la surfatscha ed il volumen.
- san calcular la surfatscha da trianguls e da poligons.
- san calcular las lunghezzas dals urs, la surfatscha da las varts ed il volumen da quaders.
h
- san calcular lunghezzas e surfatschas cun agid dal teorem da Pythagoras.
- san duvrar furmlas e la calculaziun da tabellas per far quints geometrics.
i
- san calcular la circumferenza e la surfatscha da rudels.
- san calcular las lunghezzas dals urs, las surfatschas ed ils volumens da prismas gulivs e da cilinders.
- san stimar il volumen dad x-in corp cun decumponer u cun cumparegliar cun corps enconuschents.
j
- san calcular trajects, surfatschas e volumens da piramidas, tschejels e cullas.
- san determinar ils anguls sin basa da la summa dals anguls, dal teorem da Thales, da l'analogia e da la congruenza.
k
- san identifitgar analogias e calcular las lunghezzas, las surfatschas ed ils volumens da figuras e da corps sumegliants.
- Impressum
- Agid
- Davart il Plan d'instrucziun 21
- La CDEP-T
- Plan d'instrucziun 21 · 29.2.2016